Skilmálar

Við tryggjum þér sæti á viðburðinum sem þú kaupir miða á. Nákvæmt sætisnúmer getur breyst, en flokkurinn og gæðin standa.

Fáum við ekki sætið sem þú valdir bjóðum við sambærilegt sæti á sama leikvangi. Þiggirðu það ekki færðu fulla endurgreiðslu innan 5 virkra daga. Engin rifrildi.

Öll verð á síðunni eru heildarverð. Ekkert þjónustugjald, ekkert sendingargjald og engin gjöld bætast við í greiðsluferlinu.

Greiðslan er frátekin á kortinu þegar þú kaupir og gjaldfærð þegar við höfum staðfest miðann hjá birgja, oftast innan 24 klukkustunda. Fáist miðinn ekki fellur frátektin niður og ekkert er gjaldfært.

Enska úrvalsdeildin birtir sjónvarpsval með 5 til 6 vikna fyrirvara. Leikur með merkinu „Dagsetning óstaðfest" getur færst um dag eða tíma. Við merkjum hvern leik og látum þig vita ef eitthvað breytist.

Leikur sem hefur færst er merktur „Færður" og gamla dagsetningin sýnd yfirstrikuð.

Miðar á tiltekinn viðburð falla ekki undir 14 daga skilarétt, sbr. 18. gr. l-lið laga nr. 16/2016 um neytendasamninga. Miðaábyrgðin hér að ofan gildir óháð því.

Miðinn berst rafrænt á netfangið þitt fyrir viðburðardag. Nákvæm tímasetning fer eftir reglum viðburðarhaldara, oftast 1 til 3 dögum fyrir viðburð.

BeThere er rekið af GGWP ehf., kennitala 640523-0930. Fyrirspurnir og erindi: midar@bethere.is.